ХУУЧИРСАН МЭДЭЭ: 2018/04/25-НД НИЙТЛЭГДСЭН
Төрийн албан хаагчдын цалин хөлстэй холбоотой УИХ-ын тогтоол Үндсэн хууль зөрчөөгүй гэж үзжээ
iKon.MN
Үндсэн хуулийн цэцийн дунд суудлын хуралдаан өнөөдөр боллоо.
Цэцийн дүгнэлт:
Төрийн албан хаагчдын цалин хөлсийг 2017-2018 онд хэвээр хадгалах, албан тушаалын зэрэглэл, цалингийн шатлал ахиулахыг 2017-2019 онд түр зогсоож, энэ талаар шийдвэр гаргахгүй байхыг бүх шатны төсвийн захирагч нарт даалгасан УИХ-ын тогтоол нь Үндсэн хуулийн зөрчлийн шинжийг агуулаагүй байна гэж Үндсэн хуулийн цэцийн өнөөдрийн хуралдаанаас үзэв.
Нэр бүхий иргэн Үндсэн хуулийн цэцэд хандаж ирүүлсэн мэдээлэлдээ, Улсын Их Хурлын 2017 оны 29 дүгээр тогтоол нь Монгол Улсын Үндсэн хуулийн Нэгдүгээр зүйлийн 2 дахь хэсэгт хууль дээдлэх нь төрийн үйл ажиллагааны үндсэн зарчим мөн, Арван зургадугаар зүйлийн 4 дэх заалтад хөдөлмөрийн аятай нөхцөлөөр хангуулах, цалин хөлс авах, Дөчин зургадугаар зүйлийн 3 дахь хэсэгт төрийн албан хаагчийн ажиллах нөхцөл, баталгааг хуулиар тогтооно гэсэн заалтыг тус тус зөрчсөн эсэхийг тогтоож өгөхийг хүсэж Үндсэн хуулийн цэцэд хандсан юм.
Эх сурвалж: Үндсэн хуулийн цэц
