2018/04/26
Америк доллар
МОНГОЛ БАНК:
2,397.82₮
B30
УЛААНБААТАР
24°
|
B30
УЛААНБААТАР
23°
|
B39
УЛААНБААТАР
|
15:00
S28
20°
16:00
S44
21°
17:00
S44
21°
18:00
S44
21°
19:00
S44
19°
20:00
S44
16°
21:00
S32
13°
22:00
S32
12°
23:00
S32
11°
00:00
S32
10°
01:00
S32
02:00
S32

Хуванцaр материалыг "идэгч" бодисыг эрдэмтэд санамсаргүй нээжээ

Р.Түвшин, iKon.mn
2018 оны 4 сарын 17
iKon.MN

Эрдэмтэд саяхан хуванцар материалыг задлах чадвартай бодис нээсэн нь дэлхийн хог хаягдлын асуудлыг шийдэхэд том дэвшил боллоо.

Анх 2016 онд Японы хог боловсруулах үйлдвэрийн мэргэжилтнүүд хуванцрыг иддэг бактери илрүүлснээ зарлаж байв. Үүнийг батлахаар ажилласан эрдэмтэд санамсаргүйгээр хуванцар идэгч энзимийн маш хүчтэй хувилбарыг гаргаж авчээ.

Үүнийг Их Британий Портсмутын их сургуулийн биологич Жон Макгихан тэргүүтэй эрдэмтэд нээсэн байна. 

Шинэ бодисыг PETase гэж нэрлэж байгаа нь усны сав хийхэд ашигладаг PET төрлийн хуванцар материалыг задалдагтай холбоотой гэнэ.

Энэ төрлийн хуванцар сав байгаль дээр задрахдаа олон зуун жилийн хугацаа шаарддаг.

Харин шинэ бодисыг ашигласнаар богино хугацаанд задалж, дахин боловсруулах боломжтой болж байна.

Мөн энэ бодисынхоо бүтцэд дахин бага зэрэг өөрчлөлт оруулаад PEF төрлийн хуванцрыг задлах бодис гаргах боломжтой гэнэ.

“Энэ бол хуванцрыг задалж, дахин боловсруулахад маш чухал хэрэгтэй технологи юм. Үүний тусламжтай бид PET төрлийн хуванцрыг түүнийг бүрдүүлэгч суурь бодисууд хүртэл нь задалж чадах тул өндөр үр ашигтай дахин боловсруулах боломж нээгдэж байна. Одоогийн хэрэглэж байгаа механик аргаар бид ингэж боловсруулж чадахгүй” гэж судалгаанд оролцсон Лондоны Империал коллежийн химийн инженер Найли Шах ярьжээ.

Судалгааны тайлан Proceedings of the National Academy of Sciences сэтгүүлд нийтлэгдсэн байна.

 

Эх сурвалж: Independent

 

x