ЛЭНДМН ББСБ ХК 2018 оны I улирлын үйл ажиллагааны тайлангаа танилцууллаа

ikon.mn

2018 оны 4 сарын 17

Сурталчилгаа

Эрхэм хүндэт хувьцаа эзэмшигч танаа

ЛэндМН ББСБ ХК-ийн хувьд 2018 оны 1 дүгээр улирал өсөлт хөгжил, түүхэн амжилтуудаар дүүрэн, завгүй улирал болж өнгөрлөө. Харилцагч, хувьцаа эзэмшигч та бүхэнд 1 дүгээр улирлын үйл ажиллагааны тайлангаа танилцуулж, ололт амжилтуудаа хуваалцъя.

Манай компанийн нийт харилцагчдын тоо 2018.03.31-ний байдлаар 2017 оны эцэстэй харьцуулахад 77% өсөж, нийт 40 мянган харилцагчтай боллоо. Мөн 2018 оны эхний улиралд 2017 оны 4 дүгээр улиралтай харьцуулахад 2 дахин их дүнгээр зээл олголт хийгдсэн ба ингэснээр зээлийн багц 2017 оны эцэстэй харьцуулахад 80%-р өсөж, 4.2 тэрбумаас 7.6 тэрбум төгрөгт хүрсэн байна. 2018 оны 1-р улирлын орлого өмнөх улиралтай харьцуулахад 634 сая төгрөгөөс 1 тэрбум 135 сая төгрөг болж, 79%-р өссөн байна.

Мөн энэ улирлын цэвэр ашиг өмнөх улиралтай харьцуулахад 84 сая төгрөгөөс 475 сая төгрөг болж, 5.6 дахин өссөн байна. 2018 оны 1-р улирлын үр дүнг 2017 онтой харьцуулахад орлого 961 сая төгрөгөөс 18%-р, цэвэр ашиг 23 сая төгрөгөөс 20 дахин өссөн үзүүлэлттэй байна. Тоон үзүүлэлтүүдийн дэлгэрэнгүйг доорх график болон Санхүүгийн хураангуй тайлангуудаас харна уу.

ТООН ҮЗҮҮЛЭЛТҮҮД

ЦЭВЭР АШИГ: *2017 оны 1 улиралд 37 сая, 2 улиралд 51 сая алдагдалтай ажилласан тул 2017 оны туршид нийт 23.9 саяын ашигтай ажилласан.

ЛэндМН ББСБ нь Монголын банк бус санхүүгийн салбараас анхдагч болж, өөрийн хувьцаагаа Монголын Хөрөнгийн Биржээр дамжуулан олон нийтэд санал болгож 5,800 гаруй хувьцаа эзэмшигчтэй НЭЭЛТТЭЙ хувьцаат компани боллоо. Хувьцааны анхдагч зах зээлийн захиалга 2018 оны 2-р сарын 21-с 2018 оны 3-р сарын 7-ны хооронд онцгой амжилттай явагдаж, олон нийтээс 43.98 тэрбум төгрөгийн захиалга авч Монголын Хөрөнгийн Биржийн түүхэнд байгаагүй өндөр захиалгатай IPO-д тооцогдож байна.

Түүнчлэн бид анхдагч зах зээлийн хувьцааны захиалгыг технологийн шийдлийг ашиглан, гар утасны аппликейшнаар дамжуулан авах ажлыг Монголд анх удаа нэвтрүүлсэн нь шинэлэг үйл явдал боллоо. Хувьцааны хоёрдогч зах зээлийн арилжаа 2018 оны 3-р сарын 14-нд эхэлсэн ба 2018 оны 3-р сарын 30-ны байдлаар хувьцааны үнэ 46.26 болж, анхдагч зах зээл дээр санал болгосон 25 төгрөгөөс даруй 85%-аар өссөн байна. Анхдагч зах зээлийн арилжаанаас татан төвлөрүүлсэн 5 тэрбум төгрөгийг компанийн үндсэн үйл ажиллагаа болох зээлийн үйл ажиллагаандаа зарцуулж эхлээд байгаа бөгөөд татан төвлөрүүлэлт хийгдсэн өдөр болох 3 сарын 15-аас хойш 3 сарын 31-ны хооронд нийт 0.6 тэрбум төгрөгийг буюу татан төвлөрүүлсэн хөрөнгийн 12%-ийг зээлийн үйл ажиллагаандаа зарцуулаад байна.

ЛэндМН ББСБ ХК нь 2018 оны эхний улиралд компанийн дотоод бүтэц зохион байгуулалтаа шинэчлэн баталлаа. Энэ хүрээнд, компанийн стратеги болон зах зээлийн өрсөлдөх чадварыг дараагийн түвшинд аваачих шинэ Гүйцэтгэх захирлыг сонгох шалгаруулах явцыг Монголын хүний нөөцийн сонгон шалгаруулалтын топ компаниудтай хамтран зохион байгуулж, нийт 100 гаруй анкет хүлээн авч, 20 орчим бизнесийн болон банк санхүүгийн шилдэг мэргэжилтнүүдтэй ярилцлага хийж, эцсийн шатанд 2 нэр дэвшигчийг шалгаруулаад байна. Түүнчлэн, ЛэндМН ББСБ ХК нь төрийн мэдээлэл солилцох ХУР системтэй хамтын ажиллагааны гэрээ байгуулан, ЛэндМН-ий харилцагчдад төрөөс авдаг зарим үйлчилгээг шууд ашиглах боломжийг бүрдүүлж өглөө.

ЛэндМН ББСБ ХК-ийн Төлөөлөн Удирдах Зөвлөлийн ээлжит бус хурал 2018 оны 3 дугаар сарын 22-нд хуралдаж, ЛэндМН ББСБ ХК-ийн энэ оны анхны Хувьцаа эзэмшигчдийн ээлжит бус хурлыг 2018 оны 5 дугаар сарын 10-нд хуралдуулахаар тов гаргалаа. Хувьцаа эзэмшигчдийн ээлжит бус уг хурлаар Компанийн дүрмийг шинэчлэн батлах, Төлөөлөн Удирдах Зөвлөлийн 2018 оны төсвийг батлах, Төлөөлөн Удирдах Зөвлөлийн гишүүдийг сонгох, болон Компанийн 2017 он, 2018 оны I улирлын үйл ажиллагаа болон санхүүгийн тайланг танилцуулах бөгөөд хурлын бэлтгэл ажиллагаа амжилттай явагдаж байна.

ЛэндМН ББСБ ХК нь 2018 оны I улиралд ЛэмдМН аппликейшн дээрээ “Найзаа урих” функцийг нэмж оруулсан бөгөөд харилцагчид маань найзаа урьж, бонус оноогоо өсгөх боломжтой болсон. Бид 2018 оны II улиралд шинэ бүтээгдэхүүн болон шинэ функцүүдийг гаргахаар эрчимтэй ажиллаж байгааг дуулгахад таатай байна.

САНХҮҮГИЙН БАЙДЛЫН ХУРААНГУЙ ТАЙЛАН

Мянган төгрөгөөр	03/31/2018*	12/31/17
Мөнгө ба түүнтэй адилтгах хөрөнгө	4,421,027	2,391,070
Харилцагчдад олгосон зээл ба урьдчилгаа	7,638,760	4,289,481
Бусад хөрөнгө	8,733	92,666
Үндсэн хөрөнгө	167,558	90,958
Биет бус хөрөнгө	263,503	265,252
Нийт хөрөнгө	12,499,582	7,129,427
Богино хугацаат хаалттай бондын өглөг	1,000,000	1,000,000
Богино хугацаат бусад өглөг	249,585	110,888
Нийт өр төлбөр	1,249,585	1,110,888
Хувьцаат капитал	11,000,000	6,000,000
Хувьцаа нэмж гаргахтай холбоотой шууд зардал**	(243,141)	-
Хуримтлагдсан ашиг	493,138	18,539
Нийт эздийн өмч	11,249,997	6,018,539
Нийт өр төлбөр болон эздийн өмч	12,499,582	7,129,427

*2018-03-31 Аудитлагдаагүй тайлан
**НББОУС 32, Санхүүгийн Тайлан: Тодруулга-н дагуу, хувьцаа нэмж гаргахтай холбоотой зарим зардлуудыг өмчийн хэсэгт бүртгэсэн. Үүнд: андеррайтерын үйлчилгээний хөлс, үнэт цаасны арилжааны шимтгэл гэх мэт орсон. Бусад холбогдох зардлуудыг орлого, үр дүнгийн тайланд зардлаар бүртгэсэн

ОРЛОГО, ҮР ДҮНГИЙН ХУРААНГУЙ ТАЙЛАН

Мянган төгрөгөөр	03/31/2018*	2017 онд
Шимтгэл болон түүнтэй адилтгах орлого	1,135,435	961,706
Хүүгийн зардал	(44,055)	(57,934)
Цэвэр орлого	1,091,380	903,772
Зээлийн үнэ цэнийн бууралтын алдагдлын зардал	(46,890)	(15,351)
Үйл ажиллагааны цэвэр орлого	1,044,490	888,421
Удирдлага болон үйл ажиллагааны зардал	(433,267)	(763,394)
IPO-той холбоотой нэг удаагийн зардал	(79,610)	(92,329)
Нийт зардал	(512,876)	(855,723)
Татварын өмнөх ашиг	531,613	32,699
Татварын зардал	(57,014)	(8,778)
Цэвэр ашиг	474,599	23,921

2018 оны 3 сарын 31-р дуусгавар болсон тайлант улирлын нэгж хувьцаанд ногдох цэвэр ашиг 0.59* төгрөг байна.
*IFRS-н дагуу тооцоолсон

Тайланг татаж авахыг хүсвэл ЭНД дарна уу.

ЛэндМН ББСБ ХК-ийн тухай

“ЛэндМН ББСБ” ХК нь 2016 он 12 сард нэрээ ЛэндМН болгон өөрчилж, бүтэц зохион байгуулалтын шинэчлэлт хийсэн бөгөөд Монгол улсын санхүүгийн зах зээлд анх удаа технологийн дэвшлийг санхүүгийн үйлчилгээтэй хамтатгасан Финтек бизнес моделийг LendMN аппликейшнээр дамжуулан амжилттай нэвтрүүлж буй барьцаагүй хямд өртөгтэй, хэрэглээний бичил цахим зээлийн үйлчилгээ үзүүлэгч байгууллага юм.

Холбоо барих:

“ЛэндМН ББСБ” ХК-ийн ТУЗ-ийн Нарийн бичгийн дарга Ч.Намираа

Утас: 9900-3223

Имэйл: board@lend.mn