ҮЙЛ ЯВДАЛ: С.Баяр, Ч.Сайханбилэг нарыг үргэлжлүүлэн хорих эсэхийг шийднэ
АШУҮИС-д
09:00 цагаас Анагаахын Шинжлэх Ухааны Үндэсний их сургуулийн 60 дах удаагийн Эрдмийн чуулганы эмнэлзүйн салбар хуралдаан болно.
Blue sky зочид буудалд
09:00 цагаас Үндэсний статистикийн хороо Азийн хөгжлийн банктай хамтран зохион байгуулсан “Хөрөнгийн эзэмшил, аж ахуй эрхлэлтийг жендэрийн төлөв байдлаар тодорхойлох нь” туршилтын судалгааны үр дүнг танилцуулна.
Туушин зочид буудлын 5 давхарт
09:30-12:30цагт Хоёр жилийн хугацаатайгаар АНУ-ын Олон Улсын Хөгжлийн Агентлаг(USAID)-ийн зүгээс Хөгжлийн Шийдэл ТББ-тай хамтран хэрэгжүүлсэн жижиг, дунд бизнесийн санхүүжилтийг дэмжих REACH Төслийн албан ёсны хаалтын үйл ажиллагаа болно.
Чингэлтэй дүүргийн шүүхэд
10:00 цагаас С.Баяр, Ч.Сайханбилэг нарыг үргэлжлүүлэн хорих эсэхийг шийдэх хурал болно
Жанжин клубт
10:00 цагаас "Монгол наадгай, монгол дархлаа-2018" оньсон тоглоомын тэмцээн цэцэрлэгийн хүүхдүүдийн дунд болно.
Нийслэлийн Хэвлэл мэдээллийн төвд
10:30 цагаас “АЯЛАЛ ЖУУЛЧЛАЛ БА АЖИЛ ЭРХЛЭЛТ” хөдөлмөрийн яармаг болох талаар мэдээлэл өгнө.
11:00 цагаас Энэ сарын 14-нд бүх нийтийн "ИХ ЦЭВЭРЛЭГЭЭНИЙ 90 МИНУТ" үйл ажиллагааг хэрхэн зохион байгуулах талаар Улаанбаатар хотын Захирагчийн ажлын албанаас мэдээлэл өгнө.
МУИС-д
10:00 цагаас МУИС болон Сүмитомо Корпорацийн хооронд байгуулсан хамтын ажиллагааны гэрээний дагуу Сүмитомо корпорацийн нэрэмжит оюутны тэтгэлгийг 30 оюутанд гардуулна.
МҮЭХ-ны хурлын зааланд
11:00 цагт Багш нар Засгийн газарт шаадлага тавьж, тэмцэл хөдөлгөөнд орж байгаа талаар мэдээлэл хийнэ.
Сити Төвд
12:00-14:00 цагт Австралийн Засгийн газар, Зориг сангаас зохион байгуулдаг “Эмэгтэйчүүдийн манлайллын хөтөлбөр”-ийн хүрээнд “Хүүхэд ба утаа” төсөл нийслэлийн 80 дугаар цэцэрлэг дээр 2017 оны 11 сараас 2018 оны 4 сар хүртэл хэрэгжиж дууслаа. Төслийн үр дүнг тайлагнах, цэцэрлэгийн эрхлэгч, сургуулийн өмнөх боловсрол хариуцсан төрийн түшээдэд зөвлөмж гардуулах уулзалт болно.
Хууль сахиулахын их сургуулийн Эрдэм танхимд
14:00-16:00 цагийн хооронд “Төрөөс хууль зүйн туслалцаа үзүүлэх үндэсний тогтолцоо, эрх зүйн орчинг боловсронгуй болгох нь сэдэвт ОУ-ын бага хурал” болно.
