Төв цэвэрлэх байгууламжид хоногт шинээр 1,200-1,500м3 лаг гардаг. Лаг халдваргүйжүүлэх, үнэргүйжүүлэх төслийн хүрээнд биологийн задралыг бий болгож өвчин үүсгэгч нянг устгах, халдваргүйжүүлэх, үнэр саармагжуулах зориулалттай ХБНГУ-ын Ультрасоник компанийн “Тюбэреактор” загварын хэт авиан тоног төхөөрөмж суурилуулж, туршилт тохируулгын ажил хийгдэж байна.
Энэ ажилтай Хотын Ерөнхий менежер Т.Гантөмөр өнөөдөр танилцлаа.
Улаанбаатар хотын Захирагчийн ажлын албаны захиалгаар технологийн үйл ажиллагааг дэмжиж засвар шинэчлэлт, тоног төхөөрөмж шинэчлэх чиглэлээр Төв цэвэрлэх байгууламжид 2016 оноос доорх ажлуудыг хийж гүйцэтгэж байгаа юм.
Эх сурвалж: Улаанбаатар хотын Захирагчийн ажлын алба