"Чингис хаан" морилно

Энэ амралтын өдрүүдэд ДБЭТ-ын тайзнаа Чингис Хаан дуурь амилах юм. Төрийн шагналт Б.Шаравын хоёр бүлэг, зургаан үзэгдэлт энэ бүтээл 2003 онд анх тайзнаа амилсан түүхтэй. Дуурьт эзэн хааны түүхэн тулаанууд болон бага насандаа амссан өнчрөл, доромжлолдоо туйлдалгүй хэрхэн Монгол Улсыг байгуулж буй тухай өгүүлдэг.

“Чингис хаан” дуурийг анх тавихад удирдаачаар Ардын жүжигчин Ж.Бүрэнбэх, найруулагчаар урлагийн гавьяат зүтгэлтэн Л.Эрдэнэбулган, зураачаар Ардын зураач Ч.Гунгаасүх нар ажилласан бол энэ удаад бүтээлийг урлагийн гавьяат зүтгэлтэн Ч.Найдавдорж шинэчлэн найруулж, удирдаачаар урлагийн гавьяат зүтгэлтэн Н.Туулайхүү ажиллах юм. Тасалбарын үнэ суудлын зэрэглэлээс хамаарч 10-20 мянган төгрөгийн сонголттой байна.