АНУ-ын МСК-аас үзүүлэх буцалтгүй тусламжийн хөрөнгө Улаанбаатарын УСны салбарт зарцуулагдана

Гадаад харилцааны сайд Д.Цогтбаатараар ахлуулсан “Монгол Улсын Засгийн газар, АНУ-ын МСК-ийн хооронд байгуулах хоёр дахь Компакт гэрээ боловсруулж, хэлэлцээ хийх ажлыг удирдлага, чиглэлээр хангах үүрэг бүхий ажлын хэсэг”-ыг хурал Гадаад харилцааны яамны зөвшилцөл танхимд өнөөдөр боллоо.

Хуралдаанаар АНУ-ын МСК-аас үзүүлэх буцалтгүй тусламжийн хөрөнгө оруулалтын дагуу хийж хэрэгжүүлэх төсөл, хөтөлбөрийн саналын талаар хэлэлцэж саналаа АНУ-ын талд уламжлахаар тогтов.

АНУ-ын МСК-аас Монгол Улсад хэрэгжих хоёр дахь Компакт гэрээний хөрөнгө оруулалт нь Улаанбаатар хотын ус хангамжийг нэмэгдүүлэхэд зарцуулагдахаар төлөвлөгджээ.

• Улаанбаатар хотын нийт ус хангамжийг газрын доорх усны эх үүсвэрээс нэмэгдүүлэх,
• Төв цэвэрлэх байгууламжаас гарах цэвэрлэсэн бохир усыг дахин боловсруулж, ДЦС-уудад үйлдвэрийн зориулалтаар дахин ашиглах болон Улаанбаатар хотын нийт ус хангамжийг нэмэгдүүлэх хөрөнгө оруулалтын үр ашгийн урт хугацааны тогтвортой байдлыг хангах бодлого, хууль эрх зүй, институцийн цогц хөтөлбөрийг тус тус хэрэгжүүлэхээр ажиллаж байна.

Компакт гэрээнд энэ оны 3 дугаар улирлын эхээр гарын үсэг зурахаар төлөвлөжээ.

 

Хуралдаанд Байгаль орчин, аялал жуулчлалын сайд Н.Цэрэнбат, Нийслэлийн Засаг дарга бөгөөд Улаанбаатар хотын захирагч С.Батболд, холбогдох яамдын Төрийн нарийн бичгийн дарга, агентлаг, газрын дарга, МҮХАҮТ-ын дарга Б.Лхагважав, УСУГ-ын дарга Ц.Төрхүү, шинжээчдийн багийн ахлагч доктор Д.Доржсүрэн зэрэг олон талын төлөөлөл оролцлоо.

АНУ-ын Мянганы сорилтын корпораци (МСК)-ийн Удирдах зөвлөлийн 2014 оны 12 дугаар сарын 10-ны өдрийн хурлаар Монгол Улстай хоёр дахь удаа Компакт гэрээ байгуулахаар шийдвэрлэсэн билээ. 

Эх сурвалж: ГХЯ