KARLMANN KING: Дэлхийн хамгийн үнэтэй жийп
Удахгүй нээлтээ хийх Rolls-Royce Cullinan-ийг дэлхийн хамгийн үнэтэй болоод тансаг Suv болно гэж бодож байвал том эндүүрчээ.
Хятадын IAT компаний үйлдвэрлэсэн "King" буюу "Хаан" хэмээн тодотгосон Suv-ийн талаар мэдэх хэрэгтэй байх. Тэр танд бусад ямарч машинаас илүү гайхалтай мэдрэмжийг өгөх ба үнийн хувьд энгийн загвар нь 2 сая доллар харин нэмэлт тоноглол оруулбал 3.8 сая доллар хүртэл өсөх юм.
Машины тухайд: Овор хэмжээ ихтэй тул суурь бүтцээр Ford F-550 машиныг сонгосон. Моторын хувьд Ford’s 6.8-ийн V10 400HP хүртэл чадал гаргах чадвартай хөдөлгүүрээр тоноглогдсон ажээ. 2.5 метр өргөнтэй 6тонн жинтэй ба 140 км/ц хүртэл хурдлах дээд хязгаартай.
Дотоод тохижуулалтын хувьд гэрэлтүүлгийн төгс шийдэлтэй, эвхэгддэг өргөн хэмжээний зурагттай, хөргөгчтэй, Nespresso машинтай, автомат ширээтэй байна.
Бидний мэдэх Suv машинд байх бүгд бий, түүн дээр нэмээд нилээд хэдэн тансаг гэсэн тодотгол бүхий тоноглолуудыг оруулж өгсөн байна.
Мөн уг машин нь зургаан хүний суудалтай, зургаан хаалгатай хэдий ч хэрвээ та хүсвэл хялбархан өөрчлөлт хийснээр 9 хүний суудалтай болгож болох ажээ.
ВИДЕО:
