Жил бүр улсын чанартай 14 олимпиад болдгоос математикийн 54 дүгээр улсын олимпиад ирэх 5 дугаар сарын 10-15-ны өдрүүдэд Дорноговь аймгийн Сайншанд хотод болно.
Өнгөрсөн жил Булган аймагт зохиогдсон тус олимпиадын шилжин явах цомыг Дорноговь аймгийн ЗДТГ, Боловсрол, соёл урлагийн газрын төлөөлөгчид, “Доёд сан”-гийн ТУЗ-ийн гишүүд хүлээн авснаар энэ жилийн олимпиад Монгол Улсын Гавьяат Багш, профессор У.Доёдын нэрэмжит болохоор болсон юм.
Өдгөө гавьяаныхаа амралтад гарсан У.Доёд багш, түүний үүсгэн байгуулсан “Доёд сан”-гийн Удирдах зөвлөлөөс оюуны бяр тэнхээ сорьсон энэхүү улсын хэмжээний том наадмыг өндөр зохион байгуулалттай сайн явуулах тал дээр анхааран ажиллаж байна гэлээ.
Эх сурвалж: БСШУСЯ