Трамп Мексикийн хил дагуу босгох хана хэрэмний загваруудтай танилцжээ
Өчигдөр АНУ-ын ерөнхийлөгч Дональд Трамп өөрийн санаачилсан хууль бус цагаачдаас хамгаалах хана хэрэмний найман загвартай анх удаа биечлэн танилцахаар Калифорнийн Сан Диегод ирсэн байна.
Хэрмийг АНУ-Мексикийн хил дагуу босгохоор төлөвлөж байгаа ч Трамп төсвийг нь Конгрессоор батлуулж чадаагүй байгаа юм.
Харин өнгөрсөн аравдугаар сард найман төрлийн загварыг шалгаруулж, биетээр босгох ажлыг хийлгэсэн байна. Шалгарсан зургаан компанийн ажилчид нэг сарын дотор загваруудыг босгон хүлээлгэж өгчээ.
Үүний дараа тусгай мэргэжилтнүүд ханануудыг давах, эвдэх, ухах туршилтуудыг гүйцэтгэж, найдвартай байдлыг нь шалгасан байна.
Найман загварын дөрөв нь цэвэр бетон хийцтэй бол бусад нь металл холимог хийцтэй гэнэ.
Трампыг хананы загваруудтай танилцахаар ирэхэд түүний санааг дэмжсэн, эсэргүүцсэн иргэд цуглараад байжээ.
Эх сурвалж: Business Insider
