Хорвоо ертөнцийн түүхийг 10 минутанд багтааж үзээрэй
Судлаач Жон Босвелл нь шинжлэх ухаан, философийн ойлголтуудыг хөгжмийн хэлээр хүмүүст хүргэхийг зорьдог хүн юм.
Тэр шинжлэх ухааны хичээлүүд, баримтат кинонуудыг хөгжимтэй хослуулсан “Symphony of Science” нэртэй цуврал бүтээлүүдийг YouTube-ийн melodysheep сувагтаа байрлуулдаг.
Саяхан Босвелл хорвоо ертөнцийн үүслийг харуулсан видео бүтээлээ нийтэлжээ. Нийтдээ 10 минут үргэлжлэх уг бүтээлд 13.8 тэрбум жилийн түүхийг багтаасан байна. Видеоны секунд бүр нь 22 сая жилийн түүхийг үзүүлж байгаа юм.
Их тэсрэлтээс хойш манай нар, нарны аймаг хэрхэн бүрэлдэж бий болсон, амьдрал хэрхэн үүссэнийг харуулж байна. Хүн төрөлхтний түүх энэ бүтээлийн хамгийн сүүлийн нэг секундын багахан хэсэгт харагдаад өнгөрч байгаа юм. Хүмүүс бид амьдарч байгаа хорвоо ертөнцийнхөө ямар өчүүхэн хэсэг болохыг эндээс харж болно.
Эх сурвалж: The Verge
