Уншиж байна ...
ХУУЧИРСАН МЭДЭЭ: 2018/02/23-НД НИЙТЛЭГДСЭН

Ерөнхий сайдын захирамж Үндсэн хууль зөрчсөн эсэхийг тогтооно

ikon.mn
2018 оны 2 сарын 23
iKon.MN
Зураг зураг

Монгол Улсын Ерөнхий сайд 2016 оны 7 дугаар сарын 20-ны өдрийн 12 дугаар захирамжаар Хөвсгөл аймгийн Засаг даргаар Л.Ганболдыг томилжээ.

Засаг даргаар нэр дэвшигч нь төрийн албанд 3-аас доошгүй жил ажилласан байх гэсэн Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн шаардлагыг хангаагүй байхад түүнийг Засаг даргаар томилсон нь Үндсэн хуулийн холбогдох заалтыг  зөрчсөн эсэхийг тогтоолгохоор нэр бүхий иргэн Цэцэд мэдээлэл ирүүлжээ.

Мэдээллийн дагуу үүсгэсэн маргааныг хянан хэлэлцэх Үндсэн хуулийн цэцийн дунд суудлын хуралдааныг 2018 оны 3 дугаар сарын 2-ны өдөр хийхээр товлоод байна гэж Үндсэн хуулийн цэцийн хэвлэл, мэдээллийн төлөөлөгч мэдээлэв.

Хөвсгөл аймгийн Засаг даргыг Иргэдийн хурал нь томилоод тухайн үеийн Ерөнхий сайд Ж.Эрдэнэбат батламжилж байжээ.