Европа лигийн шилдэг 16 баг тодорлоо

Урд шөнө Европа лигийн шөвгийн 32 шатны хариу тоглолтууд явагдаж дараагийн шатанд өрсөлдөх шилдэг 16 багийн нэрс бүрэн тодорлоо. Эхний тоглолтод ялагдаад байсан ОХУ-ын Зенит, Италийн Лацио клубууд хариу тоглолтыг талбайдаа хүлээн авч өрсөлдөгчдөө ялсан байна.

ОХУ-ын нийслэлийн Локомотив клуб талбайдаа Францын Ниццатай учраа таарч 1:0-ээр (нийлбэр 4:2) хожин дараагийн шатанд шалгарсан бол Италийн Милан клуб Болгарын “босоо” аваргууд Лудогорецыг мөн 1:0-ээр (4:0) хожсон юм.

Харин Италийн Наполи клуб эхний тоглолтод талбайдаа Германы Лайпцигт 3:1-ээр хожигдоод байсан бөгөөд хариу тоглолтод тэднийг 2:0-ээр хожсон ч германы баг зочин багийн гоолын дүрмээр дараагийн шатны эрхээ авч томоохон шуугианыг дэгдээж амжлаа.

Бусад тоглолтуудын үр дүнг хүргэвэл:

• Спортинг Лиссабон 3:3 (6:4) Астана
• Лацио 5:1 (5:2) Стяуа Бухарест
• Викториа Плжен 2:0 (3:1) Партизан
• Виллареал 0:1 (1:4) Олимпик Лион
• Зенит Санкт Петербург 3:0 (3:1) Селтик
• Динамо Киев 0:0 (1:1) АЕК Афин
• Атлетико Мадрид 1:0 (5:1) Копенхавн
• Брага 1:0 (1:3) Олимпик Марсель
• Арсенал 1:2 (4:2) Остерсунд
• Зальцбург 2:1 (4:3) Реал Сосьедад
• Атлетик Бильбао 1:2 (4:3) Спартак Москва
• Аталанта 1:1 (3:4) Боруссиа Дортмунд