Google-ийн хиймэл оюун нүдээр дамжуулан зүрх судасны өвчнийг оношилно

Google компанийн зохион бүтээсэн хиймэл оюунт машин хүний нүдэнд шинжилгээ хийсний дараа зүрх судасны өвчлөл хэр ойрхон байгааг өндөр нарийвчлалтай дүгнэдэг болжээ.

Google-ийн охин компани Verify Life Sciences-ийн бүтээсэн уг алгоритмийн талаар энэ долоо хоногийн “Nature Biomedical Engineering” сэтгүүлд нийтэлсэн юм. Шинэ бүтээл нь хүний нүдний торлог бүрхүүлийн гэрэл зураг дээр шинжилгээ хийсний эцэст тухайн хүнд ойрын таван жилийн дотор зүрхний шигдээс, цус харвалт зэрэг өвчлөл тохиолдох эсэхийг мэдээлэх ажээ.

Одоогийн байдлаар хэрэглэгдэж байгаа хамгийн сайн оношилгооны аргуудтай дээрх машины дүгнэлт ижил түвшинд хийгдэж байгаа гэнэ.

Google-ийн хиймэл оюун нийт 300,000 орчим өвчтөний мэдээлэл дээр боловсруулалт хийж, суралцсаны үр дүнд ийм чадвартай болжээ.

Улмаар шинэ алгоритмыг туршиж үзэхэд 70 хувийн магадлалтай урьдчилж хэлсэн байна. Өнөөдөр хэрэглэгдэж байгаа хамгийн үр дүнтэй арга болох Европын SCORE цусны шинжилгээний төхөөрөмжийн нарийвчлал 72 хувь байдаг гэнэ.

Онцлог нь хиймэл оюунтай машин өөрөө суралцдаг тул цаашид ажиллах тусам нарийвчлал нь улам нэмэгдэх боломжтой гэгдэж байна.

Эх сурвалж: Tech Insider