ХУУЧИРСАН МЭДЭЭ: 2018/02/14-НД НИЙТЛЭГДСЭН
Б.Бат-Эрдэнэ "Эрдэнэс Монгол" группийн ТУЗ-ийн даргаар томилогджээ
iKon.MN
ЗГХЭГ-ын дэд дарга Б.Бат-Эрдэнэ "Эрдэнэс Монгол" группийн ТУЗ-ийн даргаар ажиллахаар боллоо.
“Эрдэнэс Монгол” ХХК-ийн ТУЗ-ийн хурал хоёрдугаар сарын эхний долоо хоногт болж, уг шийдвэрийг гаргасан байна. Үүнээс өмнө өнгөрсөн сард Засгийн газрын хуралдаанаар Б.Бат-Эрдэнийг ЗГХЭГ-ын дэд даргаар томилжээ.
Б.Бат-Эрдэнэ нь НАМЗХ-ны Ерөнхий нарийн бичгийн дарга, МХЕГ-ын дэд даргаар тус тус ажиллаж байжээ.
“Эрдэнэс Монгол” ХХК нь “Эрдэнэс Таван толгой” ХК, “Эрдэнэс Оюу толгой” ХХК, “Багануур” зэрэг ХХК-иудын 50 буюу түүнээс дээш хувийн хувьцааг эзэмшиж, “Оюу толгой” ХХК-ийн Монголын талын 34 хувийг өөрийн охин компаниар дамжуулан эзэмшиж, Таван толгой -Гашуун сухайт чиглэлийн автозамын ашиглалт, засвар үйлчилгээг хариуцан ажилладаг “Гашуун сухайт авто зам” ХХК-ийг төр, хувийн хэвшлийн түншлэлийн үндсэн дээр байгуулан ажиллуулж байна.
