"ЛЕНДМН ББСБ" ХК-ийн анхдагч зах зээлийн захиалга авах мэдээлэл
Монголын хөрөнгийн биржид шинээр үнэт цаас арилжаалахаар III ангилалд бүртгүүлсэн “ЛэндМН ББСБ” ХК-ийн үнэт цаасны захиалга хүлээн авах дэлгэрэнгүй мэдээллийг андеррайтер компани болох “Мирэ эссет секьюритис Монгол ҮЦК” ХХК-аас ирүүллээ.
Захиалга авах хугацаа:
2018 оны 02 дугаар сарын 21-ний өдрийн 09:00 цагаас 2018 оны 03 дугаар сарын 07-ний өдрийн 13:00 цаг хүртэл бүх үнэт цаасны компаниудаар дамжуулан анхдагч зах зээлийн худалдан авах захиалгыг авна.
Хуваарилалт:
Анхдагч зах зээлийн худалдан авах захиалгын хэмжээ нийлүүлэлтээс давсан тохиолдолд дараах нөхцөлийг баримтална.
| Захиалга өгсөн харилцагчийн тоо | 1,000 хүртлэх | 1,500 хүртлэх | 2,000 хүртлэх | 2,500 хүртлэх |
| Хуваарилалт | 650,000 төгрөг хүртэлх захиалгыг 100% биелүүлж илүү гарсан мөнгөн дүнд хувь тэнцүүлж хувьцааг хуваарилна. | 400,000 төгрөг хүртэлх захиалгыг 100% биелүүлж илүү гарсан мөнгөн дүнд хувь тэнцүүлж хувьцааг хуваарилна. | 350,000 төгрөг хүртэлх захиалгыг 100% биелүүлж илүү гарсан мөнгөн дүнд хувь тэнцүүлж хувьцааг хуваарилна. | 250,000 төгрөг хүртэлх захиалгыг 100% биелүүлж илүү гарсан мөнгөн дүнд хувь тэнцүүлж хувьцааг хуваарилна. |
| 3,000 хүртлэх | 5,000 хүртлэх | 10,000 хүртлэх | 10,000 дээш | |
| 200,000 төгрөг хүртэлх захиалгыг 100% биелүүлж илүү гарсан мөнгөн дүнд хувь тэнцүүлж хувьцааг хуваарилна. | 110,000 төгрөг хүртэлх захиалгыг 100% биелүүлж илүү гарсан мөнгөн дүнд хувь тэнцүүлж хувьцааг хуваарилна. | 75,000 төгрөг хүртэлх захиалгыг 100% биелүүлж илүү гарсан мөнгөн дүнд хувь тэнцүүлж хувьцааг хуваарилна. | 50,000 төгрөг хүртэлх захиалгыг 100% биелүүлж илүү гарсан мөнгөн дүнд хувь тэнцүүлж хувьцааг хуваарилна. |
Хүснэгтэд заасны дагуу хөрөнгө оруулагчдын тооноос хамааран харгалзах хэмжээг 100 хувь биелүүлж түүнээс дээш гарсан мөнгөн дүнд хувь тэнцүүлэн хуваарилах зарчмыг баримтална.
Анхдагч зах зээлийн хэлцэл:
Анхдагч зах зээлийн арилжааны захиалга дууссаны дараа ажлын 2 хоногт багтаан хуваарлалтыг хийх бөгөөд 2018 оны 03 дугаар сарын 09-ны өдөр хувьцааны нийлүүлэлтийг хийж хэлцлийг биелүүлнэ.
МОНГОЛЫН ХӨРӨНГИЙН БИРЖ
