ХУУЧИРСАН МЭДЭЭ: 2018/02/08-НД НИЙТЛЭГДСЭН
Сар шинийн баярын өдрүүдэд орон нутаг руу 211 тээврийн хэрэгсэл нэмэлтээр үйлчилнэ
iKon.MN
Гэрэл зургийг mpa.mn
Сар шинийн баярын өдрүүдээр Сонгинохайрхан болон Баянзүрх зорчигч тээврийн төвүүдээс орон нутаг руу нэмэлтээр тээврийн хэрэгсэл явуулахаар болжээ.
Дээрх зорчигч тээврийн төвүүдээс нийт 71 чиглэлд 450, нэмэлтээр 211 баталгаатай тээврийн хэрэгслээр үйлчлэх аж.
Драгоны авто вокзалаас цагийн хуваарийн дагуу 372 тээврийн хэрэгсэл үйлчлэхээр байсан бол баярын өдрүүдэд 142-ийг нэмэлтээр үйлчилгээнд явуулахаар болжээ.
Баянзүрх зорчигч тээврийн төв 78 тээврийн хэрэгсэл дээр нэмж 69 тээврийн хэрэгсэл үйлчлэхээр зохион байгуулсан байна.
Харин сар шинийн баяраар улс, хот хоорондын зарим чиглэлүүдийн зорчигч урсгал буурдагтай холбогдуулан хоёрдугаар сарын 15-17-ны өдрүүдэд дараах 39 чиглэлийн тээвэрлэлтийг зогсоох юм байна.
Эх сурвалж: Автотээврийн үндэсний төв
