Нидерландын домогт хөлбөмбөгчин асан Роналд Куман төрөлх улсынхаа үндэсний шигшээ багийн дасгалжуулагчаар томилогджээ. Тэрбээр өнгөрсөн намар Эвертон клубээс халагдаад байсан билээ.
Нидерландчууд 2016 оны ЕАШТ болон 2018 оны ДАШТ-д шалгарч оролцоогүй ба шинэ дасгалжуулагч ажлынхаа талаар “Би багийнхаа ирээдүйг эерэгээс харж байна. Бидэнд авьяас чадвартай тамирчид хангалттай байгаа ч зарим зүйлсийг өөрчлөх шаардлагатай. Шигшээ баг эхлээд чухал тэмцээнүүдэд оролцох хэрэгтэй” гэжээ.
Куман шигшээ багийнхаа төлөө 78 тоглолтод оролцож байсан ба 1988 онд шигшээ багтайгаа Европын аварга болж байлаа.