МСБХ-ны ДЭЭД ЛИГ өнөөдөр эхэлнэ

Монголын сагсан бөмбөгийн холбооны 19 дэх удаагийн ДЭЭД ЛИГ өнөөдөр эхлэх гэж байна. Энэ удаагийн лигт Хасын Хүлэгүүд, Танан Гарьд, Этүгэн Ирвэсүүд, Хан-Уул Хангарьд, Төв Ургац гэсэн таван баг оролцох бөгөөд 2-р сарын 5-ныг хүртэл лигт оролцох багуудын хүсэлтийг нэмж хүлээж авна гэдгийг МСБХ-ноос мэдэгдээд байгаа.  

Хоёр тусдаа үйл ажиллагаа явуулж буй МСБХ, МҮСБХолбоодууд нэгдэж нийлсэнгүй. Мөн лигийн аварга Харцагууд баг хоёр жил дараалан ДЭЭД ЛИГт оролцсонгүй.

Лигийн нээлт өнөөдөр 18 цагаас Спортын төв ордны А танхимд Хасын Хүлэгүүд – Танан Гарьд багуудын тоглолтоор эхэлж Этүгэн Ирвэсүүд – Төв Ургац 19:30 цагаас тоглох хуваарь гарчээ.

Лигийн хамтрагчаар HTV телевиз ажиллахаар болсон байна. Уг телевиз DDish TV 41-р суваг, MNBC 31, Univision 35, SkyMedia 45 сувуудаар гардаг юм байна.

Тоглолтын тасалбар уламжлал ёсоор 3,000 төгрөгөөр зарагдана.