Капитрон банк Олон Улсын ВИЗА картандаа урамшуулал зарлалаа

Капитрон банк нь харилцагчдаа халамжлах ажлынхаа хүрээнд олон төрлийн урамшуулалт хөтөлбөрүүдийг шат дараатайгаар зохион явуулсаар ирсэн. Тухайлбал, гадаад гуйвуулгын “3+1” урамшуулалт аян, “Долоо хоног бүр нэг саятан + Аватар аялалын эзэн” картын урамшуулалт аяныг тус тус зохион байгуулж азтануудаа тодруулсан.

Тэгвэл энэ удаад Капитрон банкнаас гадаад улсруу зорчих иргэд, бизнес эрхлэгчид, жуулчид, гадаадад суралцах гэж буй оюутан залуус болон онлайн худалдан авалт хийдэг нийт харилцагчиддаа зориулан 2018.01.01 – 2018.02.28 - ны өдрийг дуустал хугацаанд Олон улсын виза картын “Жилийн хураамж” болон “Заавал байлгах үлдэгдэл”-ийг 50% - иар тус тус бууруулж байна.

 

Харилцагч та бүхнийг дээрх урамшууллын хугацаанд амжиж, Капитрон банкны өөрт ойрхон салбарт хандан Олон улсын виза картыг Төгрөг, Евро, Ам.долларын валютаас сонгон хөнгөлөлттэй үнээр захиалахыг урьж байна.

Виза интернэйшнл байгууллагаас виза карт эзэмшигч нартаа зориулан гадаад улсад аялж, картаараа худалдан авалт хийхэд нь тодорхой хэмжээний хөнгөлөлт, урамшууллыг үзүүлдэг тул та бүхэн Капитрон банкны виза картаараа тус урамшуулалд давхар хамрагдах боломжтой юм. /Олон улсын картын хүү шимтгэлийн хөнгөлөлтийн талаарх мэдээллийг харах бол https://www.capitronbank.mn/mn/about-us/about-bank/news/55  - с үзнэ үү./

 

КАПИТРОН БАНК – УХААЛАГ ИРЭЭДҮЙН ЗҮГТ