Британий хатан хааны шинэ бэр бүх сошиал хуудсуудаа устгажээ

Ирэх хавар хуримаа хийж, Британий хатан хааны гэр бүлийн гишүүн болох гэж байгаа Америк жүжигчин бүсгүй Меган Мэркл өчигдөр өөрийн бүх сошиал хуудсуудыг устгажээ.

“Suits” киноны гол дүрд тоглож байсан Мэркл өөрийн амьдрал, нийгмийн төлөө хийж буй ажил үйлсийг Instagram, Twitter, Facebook хуудсуудаараа хүмүүст хүргэдэг байсан юм.

Гэтэл Мягмар гарагт энэ бүх мэдээлэл нь устсан байна.

Британий язгууртнуудын хэн нь ч хувийн сошиал хуудасгүй, зөвхөн ордны албан ёсны хуудсаар мэдээлэл нь цацагддаг дэг ёстой холбоотой ийм алхам хийсэн бололтой.

Мэркл ханхүү Харритай ирэх тавдугаар сарын 19-ний өдөр Уиндсор шилтгээний Гэгээн Жоржийн сүмд хуримаа хийх юм.

Эх сурвалж: Time.Com