Оклахома Сити Тандер Пол Жоржийг солилцоонд оруулахгүй
Өнгөрсөн зун солилцоо наймаанд хамгийн идэвхтэй оролцож, хоёр ч од тоглогчийг багтаа нэгтгэж чадсан Оклахома Сити Тандер энэ улирлыг 22 хожил, 18 хожигдолтой үргэлжлүүлж байгаа билээ. Гэсэн ч тэд хоёрдугаар сард солилцооны цонх хаагдахаас өмнө ямар нэг солилцоо хийх бодолгүй байгаа гэж мэдээлсэн байна.
Пол Жорж төрөлх хотынхоо баг болох Лэйкерст тоглох хүсэлтэй гэдгээ өмнө нь олон ч удаа хэлж хэдий ч ирэх зун чөлөөт агент болох Пол Жоржтой Тандер баг шинэ гэрээ байгуулж, багтаа үлдээх хүсэлтэй байгаа ажээ.
Индиана Пэйсерс баг Пол Жоржтой гэрээгээ сунгаж чадалгүй түүнийг Тандер баг руу солилцоогоор явуулж байсан ба Полын оронд солигдож ирсэн Виктор Оладипа, Домантас Сабонис нар шинэ багтаа тун сайн идээшиж, хувийн амжилтаа ахиулсаар байгаа билээ.
