Сангийн яамны Төрийн сангийн газрын дарга С.Наранцогт Монголын эдийн засгийн талаар илтгэл танилцууллаа.
Тэрбээр "Эдийн засгийн өсөлт 2017 оны хүлээгдэж буй гүйцэтгэлээр 3.8 хувийн өсөлттэй байна.
Дараагийн үзүүлэлт бол Монгол Улсын экспортын хэмжээ анх удаа 6.2 тэрбум ам.долларт хүрсэн байгаа. Гадаад худалдааны тэнцэл 2017 онд 1.9 тэрбум ам.доллар боллоо.
Үүнтэй уялдаад гадаад валютын нөөц 3 тэрбум ам.долларт хүрлээ.
Үүнд нөлөөлсөн гол хүчин зүйл гадаадын хөрөнгө оруулалт 2 дахин нэмэгдсэн.
ОУВС-гийн хөтөлбөрийн хүрээнд хандивлагч байгууллагуудын санхүүжилт цаг хугацаандаа орж ирсэн нь нөлөөлсөн байна.
Улсын төсвийн өөрийнх нь дансны үлдэгдэл сүүлийн 5 жилд анх удаа 405 тэрбум төгрөг гарсан. байгаа.
Монгол Улсын өрийн дарамтыг бууруулахын тулд шинэ Засгийн газраас төсвийн сахилга батыг сайжруулах тодорхой ажлуудыг эрчимтэйгээр зохион байгуулж байна".
Нэгдүгээр сарын 25-нд ОУВС-ийнхан ирнэ. Татварын нэмэгдлийн талаар эргэж ярилцана
Ерөнхий сайд У.Хүрэлсүх Засгийн газар байгуулагдаад тодорхой хугацаа өнгөрлөө. Эдийн засаг, нийгмийн асуудалд анхаарч ажиллалаа.
2015 онд 1.5 тэрбум ам.долларын үнэт цаас арилжаалсан. Үүний 500 сая ам.долларыг өнөөдөр төллөө. Гэхдээ энэ бол бүрэн гүйцэт төлөгдөөд дууссан зүйл биш. 2022 онд төлөгдөнө. Үүнийг барагдуулахын тулд бонд гаргасан.
Хөгжлийн банкнаас авсан ард түмний кармаанаас авсан мөнгийг төлөх ажлыг хийж байна, цаашдаа хийнэ.
Сангийн сайдтай энэ асуудлаар ярилцаж байгаа. Нэгдүгээр сарын 25-нд ОУВС-ийнхан ирнэ. Энэ талаар ярилцана.
У.Хүрэлсүхийн Засгийн газар гарч ирээд татвар нэмээгүй. Шинэ Засгийн газар нефтийн үнийг барих тал дээр аравдугаар сараас хойш ажилласан. Дэлхийн зах зээл дээр нефтийн үнэ нэмэгдсэн. Нефть импортлогч компаниуд алдагдалтай ажилласан.
Эдийн засаг сайжирч байна. Хүнд нөхцөл байдлаас гарч байна. Төсвийн алдагдал өнөөдөр 9 хувьтай тэнцэж байна.
2018 он бол гадаад болон дотоод өр төлбөр төлөх он юм. Ямар ч байсан улсын өмнө тулгамдаад байсан нэг асуудлыг өнөөдөр шийдлээ.
Мөн өчигдөр Эрдэнэт үйлдвэрийн 49 хувийг улсын мэдэлд авсан. гэдгийг онцлон тэмдэглэж байна" гэв.