Уншиж байна ...
Зураг
Зураг
ХУУЧИРСАН МЭДЭЭ: 2017/12/22-НД НИЙТЛЭГДСЭН

Бизнесийн идэвхжил болон ажил эрхлэлтэд дэмжлэг үзүүлэхээр БОДЛОГЫН ХҮҮГ БУУРУУЛЖЭЭ

Б.УЧРАЛ, iKon.mn
2017 оны 12 сарын 22
iKon.MN
Зураг зураг
Гэрэл зургийг mpa.mn

Монголбанкны Мөнгөний Бодлогын Зөвлөл өнөөдөр хуралдаж бодлогын хүүг 1 нэгж хувиар буулгах шийдвэр гаргажээ.

Ингэснээр бодлогын хүү 11 хувь болж байгаа юм.

Дашрамд дурьдахад, өнгөрсөн оны мөн өдийд бодлогын хүү 15 хувьтай байжээ.

БОДЛОГЫН ХҮҮГ БУУРУУЛСАН ШАЛТГААН:

"2017 оны 11 дүгээр сарын байдлаар улсын хэмжээнд 6.5 хувь, Улаанбаатар хотын хэмжээнд 7.6 хувь байгаа хэрэглээний үнийн индексээр хэмжигдэх жилийн инфляци дунд хугацаанд Төв банкны зорилтот 8 хувийн түвшинд тогтвортой байхаар байна.

Энэ оны эхний гурван улиралд эдийн засаг хүлээлтээс давж өслөө. Уул уурхайн салбарын үйлдвэрлэл, бүтээн байгуулалт эрчимжиж, гадаад худалдааны нөхцөл сайжирч, богино хугацааны гадаад өрийн эргэн төлөлтийн дарамт буурч байгаагаас макро эдийн засгийн эрсдэл буурч, эдийн засгийн өсөлтөд эерэг нөлөө үзүүлж байна. Эдийн засгийн цаашдын төлөвөөс харахад бизнесийн зээл, уул уурхайгаас хамаарал багатай салбаруудын өсөлтийг дэмжих, ажилгүйдлийн түвшинг бууруулах шаардлага хэвээр байна.

Мөнгөний бодлогыг зөөлрүүлэх энэхүү шийдвэр нь эдийн засгийн өсөлт, бизнесийн идэвхжил болон ажил эрхлэлтэд дэмжлэг үзүүлнэ" хэмээн Мөнгөний бодлогын зөвлөлөөс танилцуулжээ.