УИХ-ын гишүүн О.Баасанхүү Хууль Дотоод Хэргийн сайд Ц.Нямдоржид албан шаардлага хүргүүллээ.
Албан бичигт "Сүүлийн үед Эрүүгийн хууль, Зөрчлийн хуулиудтай холбоотойгоор иргэдээс өргөдөл, гомдол их ирж байна. Энэхүү гомдлуудыг судалж үзэхэд дараах агуулгатай байна. Хүчингийн гэмт хэрэг, хар тамхи, мансууруулах бодистой холбоотой асуудлыг Эрүүгийн хуульд хөнгөрүүлсэн заалттайгаар баталсан.
Иймд Эрүүгийн болон Зөрчлийн хуулиудтай танилцах ажлын хэсэг байгуулж, хуулийг хэрэгжүүлэх явцад гарч буй алдааг засах талаар Засгийн газраас холбогдох шийдвэрийн төсөл боловсруулж, 2018 оны нэгдүгээр улиралд багтаан өргөн барихыг хүсье.
Дээр дурдсан хугацаанд шийдвэр гаргаагүй тохиолдолд УИХ-ын гишүүнийхээ хууль санаачлах бүрэн эрхийн хүрээнд холбогдох хуулийн төслийг өргөн барихаа үүгээр мэдэгдэж байна" гэжээ.
АЛБАН БИЧИГ: