Уншиж байна ...
ХУУЧИРСАН МЭДЭЭ: 2017/12/13-НД НИЙТЛЭГДСЭН

ФОТО: “Жайка”-гаас 450 мянган ам.долларын 837 ширхэг сэлбэг хэрэгслийг ОБЕГ-т өглөө

Ж.Хулан, iKon.mn
2017 оны 12 сарын 13
iKon.MN
Зураг зураг
Гэрэл зургийг mpa.mn

Япон Улсын Засгийн газрын буцалтгүй тусламжийн хүрээнд Улаанбаатар хотын “Гал түймэртэй тэмцэх техник, тоног төхөөрөмжийг шинэчлэн сайжруулах” төслөөр нийлүүлэгдсэн гал түймэр унтраах шуурхай албаны автомашинуудын сэлбэг хэрэгслийг хүлээлгэн өгөх ажиллагаа өнөөдөр нийслэлийн Онцгой байдлын газарт боллоо.

Япон Улсын Засгийн газраас хэрэгжүүлсэн “Улаанбаатар хотын гал түймэртэй тэмцэх техник, тоног төхөөрөмжийг шинэчлэн сайжруулах төсөл”-ийн хүрээнд Онцгой байдлын албанд 2003 онд 11.7 сая ам долларын үнэ бүхий гал унтраах зориулалтын 4 төрлийн 17 автомашиныг, 2013 онд 4 төрлийн 22 автомашиныг буцалтгүй тусламжаар нийлүүлж байсан.

Эдгээр автомашинуудыг Гал түймэр унтраах, аврах 18 ангид хуваарилсан бөгөөд энэ хугацаанд 29,190 гаруй удаагийн гал түймрийн дуудлагаар ажиллаж, иргэд, аж ахуйн нэгж, байгууллагын 102 тэрбум 416 сая төгрөгийн өмч хөрөнгийг авран хамгаалахад дэмжлэг үзүүлсэн байна.

Гэсэн ч 14 жил ашиглагдсан дээрх автомашинуудад ашиглалтын явцад эвдрэл гэмтэл үүсч, засвар үйлчилгээ хийх зайлшгүй шаардлага тулгараад байсан юм.

Тиймээс тус автомашинуудын ашиглалтыг  сайжруулах, засвар үйлчилгээ хийх, сэлбэг хэрэгслийг нийлүүлэх төслийг Япон Улсын “Жайка” олон улсын байгууллага хэрэгжүүлж, 450 мянган ам.долларын 837 ширхэг сэлбэг хэрэгслийг нийлүүллээ.

Авто машинуудын сэлбэг хэрэгслийг хүлээлгэн өгөх ажиллагаанаас бэлтгэсэн фото сурвалжилгыг хүргэж байна.

ФОТО: 

Гэрэл зургийг Mpa.mn     

Зураг
Зураг
Зураг
Зураг
Зураг
Зураг
Зураг
Зураг
Зураг
Зураг
Зураг