Уншиж байна ...
ХУУЧИРСАН МЭДЭЭ: 2017/12/13-НД НИЙТЛЭГДСЭН

“Эмээлтийн хөнгөн үйлдвэрийн үйлдвэрлэл, технологийн парк”-ийн бүтээн байгуулалтыг эрчимжүүлэх ажлын хэсгийн хуралдаан боллоо

Т.Саран, iKon.mn
2017 оны 12 сарын 13
iKon.MN
Зураг зураг

Ерөнхий сайдын 2017 оны 173 дугаар захирамжаар "Эмээлтийн хөнгөн үйлдвэрийн үйлдвэрлэл, технологийн парк”-ийн дэд бүтцийн бүтээн байгуулалтын ажлыг эрчимжүүлэх зорилгоор ажлын хэсгийг байгуулсан.

Тус ажлын хэсэг нь төрийн захиргааны төв байгууллагуудын хамтын ажиллагааны уялдаа холбоог хангах, паркийн бүтээн байгуулалтын эрх зүй болон бусад ажлыг эрчимжүүлэх, паркийн дэд бүтцийн бүтээн байгуулалтад шаардлагатай зардлыг санхүүжүүлэх эх үүсвэрийг судалж, шийдвэрлэх арга замыг танилцуулах үүрэгтэй. 

Ажлын хэсгийн бүрэлдэхүүнд Хүнс хөдөө аж ахуй, хөнгөн үйлдвэрийн яам, Барилга Хот Байгуулалтын Яам, Зам Тээвэр Хөгжлийн Яам ЭХЯ зэрэг яамд, Нийслэлийн Засаг Даргын Тамгын Газрын төлөөлөл оролцсон.
 
ХХААХҮ-ийн Сайд Б.Батзоригоор ахлуулсан ажлын хэсгийн анхдугаар хуралдаан 2017 оны 12 дугаар сарын 07-ны өдөр болж, ажлын хэсгийн гишүүдэд удирдамжийн дагуу үүрэг, чиглэл өгсөн билээ. 
 

Харин өчигдөр ажлын хэсгийн ээлжит хуралдаан болж, үйл ажиллагааны төлөвлөгөөг хэлэлцлээ.  

Хуралдаанаар эмээлтийн үйлдвэрлэл, технологийн паркийн ТЭЗҮ, бусад бичиг баримтууд, өгөгдөл, мэдээллүүд нь хөрөнгө оруулалтын шаардлага хангаж байгаа эсэх мөн  эрх зүйн болон зохион байгуулалтын хувьд ямар арга хэмжээ авах, дэд бүтцийн бүтээн байгуулалтын талаар БХБЯ, ЭХЯ, ЗТХЯ -ны төсөвт тусгагдсан зүйл байгаа эсэх, гадаадын зээл тусламжийн ямар эх үүсвэрээр  шийдвэрлэх, хөрөнгийг хэн хариуцах, үйлдвэрүүдийн нүүхэд гарах зардлыг нөхөх хугацаанд ямар хөнгөлөлт дэмжлэг үзүүлэх талаар санал, мэдээлэл солилцсон юм.  

Дээрх асуудлын хүрээнд гишүүдийн саналыг ажлын хэсгийн үйл ажиллагааны төлөвлөгөөнд тусган баталж, 12 дугаар сардаа багтаан Ерөнхий сайдад танилцуулахаар боллоо.

 

 

 

Эх сурвалж: ХХААХҮЯ