Монголын хүүүхдийн урлан бүтээх төвд эмэгтэй уран бүтээлчдийн хамтарсан хүчирхийллийн эсрэг "Төөрдөг байшин" үзэсгэлэн нээгджээ.
Охид эмэгтэйчүүдийн эсрэг хүчирхийлэлтэй тэмцэх дэлхийн өдөр 11 дүгээр сарын 25-нд тохиодог байна. Уран бүтээлчид уг өдрийг тохиолдуулан мөн гэр бүлийн хүчирхийлэл жил бүр өсөн нэмэгдэж, хүний амь нас хохирох, гэмтэх, ялангуяа хүүхэд, эмэгтэйчүүд өртөх хандлага нэмэгдэж байгааг эсэргүүцэн энэхүү үзэсгэлэнгээ дэлгэхээр болжээ.
"Хүчирхийлэлд өртсөн хүүхэд, хүчирхийллийн хар сүүдэрт дарагдсан бүсгүй хүн насан туршдаа айдаст автаж, бие сэтгэлийн гүн шархтай үлддэг. Тиймээс Эмэгтэйчүүд бид өөрсдөө уриалан дуудах хонх нь, чиглүүлэгч гэрэл нь байж нийгмээ эерэгээр өөрчилж чадна. Монголын хүүхдийн урлан бүтээх төв эмэгтэй уран бүтээлчид, хүүхдүүдтэй хамтран охид эмэгтэйчүүдийн хүчирхийллийн эсрэг үзэсгэлэнг гаргаж байна" гэж зохион байгуулагчид хэлсэн байна.
Үзэсгэлэн энэ сарын 24-28-ны өдрүүдэд Монголын Хүүхдийн Урлан Бүтээх төвийн дэргэдэх Орд арт галерейд дэлгэгдэж буй юм.
Гэрэл зургийг mpa.mn