ХУУЧИРСАН МЭДЭЭ: 2017/11/20-НД НИЙТЛЭГДСЭН
МАН-ын дарга М.Энхболдын илтгэлээс онцлох 15 эшлэл
Т.Саран, iKon.mn
2017 оны 11 сарын 20
iKon.MN
- юм.
- Талцал бол эвдрэл мөн. Эвдрэл бол мөхөл юм. Тиймээс улс төрийн хүчний хувьд гамшиг гэж хэлж болох энэ үзэгдлээс сэргийлэх, илрэл бүхнийг газар авахуулалгүй нам дотроо илэн далангүй ярилцаж зөвшилцөх, журмын нөхдийн хувиар ойлголцон эвлэрэх нь улстөрчийн ёс суртахууны эрхэм чанар гэж үзэж байна.
- Шинээр байгуулагдсан Засгийн газраараа оролдох, үйл ажиллагааг нь үл дэмжих, буруутган сөргөлдөх байдал байж болохгүй гэдгийг сануулан хэлье. Ингэж хэлснээрээ буруу үйлдэл, алдаатай шийдвэр гарвал хаацайлах, ая тал засах аливаа үйлдлийг өөгшүүлж буй хэрэг биш ээ.
- Намын дэмжлэгээр томилогдсон удирдах албан тушаалтнуудын дунд хүнд сурталтан, ард түмнээсээ тасарсан, авлига авдаг түшмэдүүд болж хувирсан хүмүүс цөөнгүй, тэдний мэдлэг, чадвар, удирдах арга барил, туршлага иргэддээ гологдож, итгэлийг нь алдах байдал байсаар байна.
- Ялж л байвал ямар ч муу арга хэрэглэж болно гэсэн увайгүй хандлагаас монголчууд ядаж саахалтын зайтай явах ёстой гэж би боддог. Бид цөөхүүлээ. Эвийг эрхэмлэх, нөхрийг хайрлах, гүтгэлэг доромжлолын өөдөөс хүлцэл тэвчээрээр хариу барих миний амьдралын зарчим үүнээс эхтэй юм аа.
- Намын хамт олон, дэмжигчдийн зүтгэл сэтгэлээр бий болсон амжилт, ялалтанд бялуурч, шударга зарчимч дүр бүтээж тодрохыг санаархах, улстөрчийн ёс зүй, төлөвшлийг эрхэмлэхээсээ илүү өөрөөсөө бусдыг буруутан болгох сэтгэлгээгээр дүрэмдэх, хүндлэл, хүн чанарын наад захын хэм хэмжээг зөрчих зэргээр намынхаа эв нэгдэлд сэв суулгах явдал нэг биш удаа гарч буйд хэн хүнгүй харамсаж байгаа.
- . Өнөөдөр бид мартвал өөр нэг өдөр хатуу сануулга ирэх нь дамжиггүй.
- Тоглоом хүртэл дүрэмтэй байдаг. Дүрэм мэдэхгүй жолооч хотын хөдөлгөөнд оролцож чаддаггүйтэй адил дүрэмгүй улстөрч намын үнэт зүйл, сахилга бат, эв нэгдлийг эвддэг.
- Санамсаргүй буюу тохиолдлын чанартай томилгооноос бүрэн татгалзаж, зөвхөн журмын шалгуурыг бүрэн хангасан хүмүүсийг ил тод, шударга шалгаруулалтаар өрсөлдүүлэн томилдог болъё. Ингэж чадвал УИХ, Засгийн газрын гишүүд төрийн байгууллагын албан тушаалтны томилгоонд хутгалдан оролцдог, “шахаа” хийдэг бэрхшээл, хүндрэл арилна.
- Дөрвөн жилийн турш зүтгэж байж бид босгодог, тэд ирээд нураадаг, дахиад бид эхнээс нь эхлэхээс өөр аргагүй болдог чөтгөрийн тойргоос гарахын тулд дор хаяж 2 бүрэн эрхийн хугацаанд ажилладаг болох хэрэгтэй байна.
- Засаглалын бүх түвшинд хариуцлага, сахилгыг чангатгаж, шударга ёсны зарчмыг чанд сахих, авлигаас ангид байх нь нам урт хугацаанд тогтвортой оршин тогтнохын үндэс мөн.
- Бид нураах дургүй. Харин босгох дуртай. Намын сахилга, төрийн хариуцлагыг тойрч, түшээд гишүүд нь суудлаа ч, гүйдлээ ч олох төлөвшил бүрэлддэг гэдгийг онцолж хэлэхийг хүсэж байна.
- Буруутныг олж тогтоогоод, бусад нь цэвэр үлдэхийг хүсэх хэрэггүй. Харин
- Намын даргын алба бол эрх мэдэл, эзэн суудал гэхээс илүү асар их хариуцлага, амарч тайвшрахын аргагүй зүтгэл чармайлт, мөр дарж сэтгэл чилээсэн хүнд ачаа байдаг юм аа. Энэ удаад би
- “Эрдмийг хичээж, ёсыг сахиж, эв эеэр нөхрийг засан, түвшин төвөөр алсыг зоригч хүмүүнд мянган оны баясгалангийн үүд түмэн удаа нээгдмүй” хэмээх эртний судрын эшлэл үгийг журмын нөхөд та бүхэндээ зориуд сонордуулъя.