Барилгын гадна фасад хийж байгаа хүн унасан ослын талаар Нийслэлийн Онцгой Байдлын Газраас мэдээлэл өглөө.
Баянзүрх дүүргийн 5 дугаар хороо Кино үйлдвэрээс хойш байрлах 204 дүгээр байрны гадна фасадны ажил хийж байсан 4 иргэн унаж 2 нь хүнд гэмтэж, 2 иргэн нас барсан гэсэн дуудлага 15:01 цагт иржээ.
Дуудлагаар нийслэлийн Аврах анги аюулгүй байдлыг ханган ажилласан байна. Харамсалтай нь хүнд гэмтсэн хоёр иргэнийг эмнэлэгт хүргэх замд амиа алдсан байна.