ХУУЧИРСАН МЭДЭЭ: 2017/11/08-НД НИЙТЛЭГДСЭН
Хог хаягдлын үйлчилгээ ухаалаг болно
Сүхбаатар дүүрэг
Нийслэл хотын өнгө төрх болсон Сүхбаатар дүүргийн үйл ажиллагаа дүүргийн төдийгүй нийт хотын иргэдийн нүдэнд ил, сонорт түрүүнд байдаг.
Иймд Засаг даргын Тамгын газар болон нийт хэлтсүүд салбар бүрт орон нутгийн онцлогт тохирсон шийдэлтэй менежмент хэрэгжүүлэх судалгаа шинжилгээ, эрэл хайгуул хийдэг. Энэ удаа хог хаягдлын менежментийг ухаалаг болгох зорилт дэвшүүлэн бэлтгэл ажил 100 хувь хувьтай байна.
Нийтийн эзэмшлийн гудамж талбайд ил задгай хог хаягдал үүсэх, хогийн савны өнгө үзэмж муудаж, багтаамж муутай байгаагаас хог хаягдал багтахгүй гадуур асгарах, хог хаягдлын үйлчилгээний байгууллагуудын тээвэрлэх хувиараас зөрж хог хаях зэрэг асуудлуудыг цэгцлэхээр эхний ээлжинд 25 байршлыг сонгон шинэчилж, 24 цагийн камертай диспетчерийн хяналтанд байлгах юм.
Энэхүү төслийн хүрээнд дараах ажлууд хийгдэж байна.
- Хогийн савны суурь хэсэг болон эргэн тойрны хэсгийг бетондож хөрсөнд бохир шингэхгүй хөрсний бохирдлоос урьдчилсан сэргийлнэ.
- Хогийн сав байрлуулсан орчныг бүрэн гэрэлтүүлэх гэрэлтүүлэг хийнэ.
- Хяналтын камер байршуулж ил задгай хог хаягдал үүсгэх, хогийн савны гадуур хаях, орчин бохирдуулах, хог хаягдлыг цаг тухайд нь тээвэрлэж байгаа эсэхэд хяналт тавих, мөн гэмт хэрэг зөрчлөөс урьдчилан сэргийнэ.
- Камер 24 цагийн турш диспетчерийн хяналтад байснаар хамтын хариуцлага дээшилнэ.
