Эрсдэлтэй зээлийн хэмжээг тогтоожээ

Гэрэл зургийг Mpa.mn

Монголбанкнаас гаргасан мэдээгээр банкны системийн хэмжээнд чанаргүй зээлийн хэмжээ өссөөр 1.9 их наяд төгрөгт хүрчээ.

Чанаргүй зээлийг дотор нь ангилбал 935.2 тэрбум төгрөгийн зээл нь хугацаа хэтэрсэн, 968.8 тэрбумын зээл нь чанаргүй зээл болж хувирсан байна.

Өөрөөр хэлбэл, 968.8 тэрбумын зээл эргэн төлөгдөх боломжгүй болсон гэсэн үг юм. Чанаргүй зээлийн хэмжээ нэмэгдэж, эрсдэл даах чадвар сулрахад банкууд зээл олголтоо хумихаас аргагүйд хүрдэг байна.

Иймээс Монголбанк урт, дунд болон богино хугацаанд чанаргүй зээлийг бууруулах бодлого, арга хэмжээг хэрэгжүүлэхээр ажиллаж эхэлсэн байна.