Ням гарагт Самсунг компани нэгэн видео сурталчилгаа гаргасан нь бүхэлдээ iPhone-ий өнгөрсөн 10 жилийн түүхийг доромжилсон гэмээр агуулгатай байв.
Сурталчилгаанд 10 жилийн турш iPhone-ий хэрэглэгч байсан хүн хэрхэн Самсунгийн Galaxy ухаалаг утасны давуу талуудыг мэдэрч явсаар эцэстээ Galaxy руу шилжиж байгааг харуулжээ.
Өнгөрсөн долоо хоногт худалдаанд гарсан iPhone X загварын борлуулалт нэлээд өндөр байх шинж ажиглагдаж эхэлсэн. Тиймээс ухаалаг гар утасны зах зээлд гол өрсөлдөгч нь болдог Самсунг ийнхүү сөрөг сурталчилгаа гаргаж байгаа бололтой.