Уншиж байна ...
Зураг
Зураг
ХУУЧИРСАН МЭДЭЭ: 2017/11/02-НД НИЙТЛЭГДСЭН

Зуслангийн бүсэд зөвшөөрөлгүй хашаа барьсан иргэд, аж ахуйн нэгжүүдийн газрыг чөлөөлж эхэллээ

ikon.mn
2017 оны 11 сарын 2
iKon.MN
Зураг зураг

Зуслангийн бүсийн ой, усны сан бүхий газарт газар олгосон байдлыг судалж, хууль хэрэгжихгүй байгаа газарт нөхцөлийг тогтоох, хуулийн хэрэгжилтийг хангуулах ажил хийгдэж эхэллээ.

Энэ хүрээнд Нийслэлийн газрын албаны орлогч дарга Д.Нямдаваагаар ахлуусан ажлын хэсэг Нийслэлийн нутаг дэвсгэр дэх орон нутгийн тусгай хамгаалалттай бүсүүдэд хамаарах Чингэлтэй дүүргийн 19, Сүхбаатар дүүргийн 19, 20-р хорооны ногоон бүсэд хамаарах нутаг дэвсгэрийн 26 зуслангийн бүсийн ой, усны сан бүхий газруудад тогтоогдсон зөвшөөрөлгүй хашаа барьсан иргэд, аж ахуйн нэгжүүдийн газрыг чөлөөлөх ажлыг эхлүүлсэн байна.

Нийслэлийн байгаль орчны газар, Нийслэлийн газрын алба цаашдаа Ойн тухай хууль, Усны тухай хууль, Газрын тухай хуулийг зөрчин ойн санд газар олголт хийсэн, гэрчилгээ бичигдсэн, ой, мод бут сөөгийг сүйтгэсэн, зөвшөөрөлгүй барьсан хашааны зөрчлүүдийг илрүүлэн хуулийн дагуу арга хэмжээ авах, зөрчлүүдийг арилгуулах юм гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.