ФОТО: Нийслэлийн 38 дугаар цэцэрлэг дулаан алдагдлын асуудлаа ШИЙДЛЭЭ
Нийслэлийн СХД-ийн Баянхошуун дахь 38 дугаар цэцэрлэгийн барилгыг шинэчлэн дулаан алдагдлыг бууруулах ажлыг дуусгаж ашиглалтад өнөөдөр хүлээлгэн өглөө.
Дэлхийн банкнаас хэрэгжүүлж байгаа Улаанбаатар цэвэр агаар төслийн хүрээнд “Дулаалга аян" хөтөлбөрийг хэрэгжүүлж байгаа бөгөөд Нийслэлийн агаарын бохирдлын бүсэд байрлах 6, 38,125, 82 дугаар цэцэрлэгийн барилгыг дулаан хамгаалалтын норм дүрмийн дагуу шинэчилж байгаа аж.
Энэ талаар Улаанбаатар цэвэр агаар төслийн зохицуулагч Н.Баяртогтох "38 дугаар цэцэрлэг нь Нийслэлийн агаарын бохирдлын бүсэд байрладаг уурын зуухгүй, нүүрсний бус аргаар халаалтаа шийдсэн цөөхөн цэцэрлэгүүдийн нэг гэдгээрээ онцлогтой. Цахилгаанаар халдаг технологиор халаалтаа шийдсэн боловч барилгын дулаан алдагдал ихээс болж цахилгаанд зарцуулах зардал их, хүүхдүүд даарах, тух муутай байх асуудал байсан.
Тус цэцэрлэгт төслийн хүрээнд өмнөх жил дотоод орчны 4 ширхэг агаар шүүлтүүрийг ханган нийлүүлсэн. Ингэснээр 38 дугаар цэцэрлэг нь халаалт болон дотоод орчны агаарын бохирдлын асуудлаа цогцоор нь шийдсэн цэцэрлэг болж байна" гэлээ.
38 дугаар цэцэрлэг нь 7 бүлэгт 350 хүүхдийг сургаж байна.
Фото
Гэрэл зургийг mpa.mn
