ХУУЧИРСАН МЭДЭЭ: 2017/10/31-НД НИЙТЛЭГДСЭН
"Пуужин" Ронни 17 настай тамирчинд ялагдлаа
SPS
Ердөө долоо хоногийн өмнө явагдсан снүүкерийн Английн нээлттэй тэмцээнд түрүүлээд байсан дэлхийн таван удаагийн аварга Ронни О’Салливан БНХАУ-ын Дачин хотноо явагдсан олон улсын нээлттэй тэмцээний эхний шатанд эзэн орны 17 настай залуу тамирчин Ян Бинтаод 6:1-ээр ялагдаж том дуулианы эзэн боллоо.
Тоглолтын дараа “Пуужин” Ронни сэтгүүлчдэд хэлэхдээ “Би хэд хэдэн цохилтоо алдсан ч өөртөө буруу өгөхгүй байна. Харин өнөөдөр Ян үнэхээр гайхалтай тоглолоо. Магадгүй Стивен Хендри, Жон Хиггинс хоёр л миний эсрэг ингэж сайн тоглосон байх. Хэрэв тэр энэ эрчээрээ байж чадвал энэ тэмцээнд түүнийг зогсооход хэцүү. Цаашлаад олон ч тэмцээнд түрүүлэх боломжтой юм” гэжээ.
Харин түүнийг хожсон Ян Бинтао дэлхийн чансааны 53 дугаар байрт бичигддэг бөгөөд хожлынхоо талаар “Би өөрийнхөө санаснаас ч илүү сайн тоглолоо. Одоо би хэнийг ч хожиж чадах мэт санагдаж байгаа ч тайван байх хэрэгтэй. Мэргэжлийн тамирчны хувиар тоглосон эхний жилдээ их зүйл сурлаа. Өөрийгөө тайван байлгах хэрэгтэй” гэжээ.
