Т.Дэлгэрмөрөн: Тоглолтын нэрээ ард түмнээсээ асууна
Уянга ухаарлын олон дууг зүрх сэтгэлээсээ дуулж, орчин үе, үндэсний уламжлалт өнгө төрхийг өөрийн дуу хөгжим, гадаад төрхөөрөө нэгэн зэрэг илтгэн харуулж чаддаг дуучин бол Дээгий юм.
Дуу дуулснаараа өөртөө ч, өрөөлд ч жаргал өгч чаддаг дуучин Дээгий 10 жил хүлээсэн бие даасан тоглолтоо ирэх сарын 16,17-нд Монгол бөхийн өргөөнд хийх гэж байна.
Одоогоор тэрбээр тоглолтын нэрээ өгөөгүй байгаа аж.
Дуучин Т.Дэлгэрмөрөн "Тоглолтын нэрээ ард түмнээсээ асууж, нэрээ хайрлуулна. Мэдээж надад таалагдсан тоглолтын нэр хайрласан эрхмийг ТОМ шагнана гэж амлаж байна.
Бурхан, хайртай хүндээ даах хэмжээгээр нь зовлон үүрүүлдэг гэдэг. Хайртай ээжээ аюулт өвчнөөр алдаж, араас нь насныхаа сайхан ханийг алдаж, эр ганц биеэрээ 10 нас хүрээгүй балчир охиноо хөтөлж үлдсэнийг монголчууд мэднэ.
Миний тоглолт болох 11 сарын 16-17, түүний амьдралд их утга учиртай өдөр. Миний болон бяцхан охин Зөөлөнсийгийн төрсөн өдөр. Төрсөн өдрөөрөө олон жил хүлээсэн тоглолтоо хийнэ гэдэг хувь тохиол гэж ихэд билэгшээж байна" гэлээ.
