Уншиж байна ...
Зураг
Зураг
ХУУЧИРСАН МЭДЭЭ: 2017/10/09-НД НИЙТЛЭГДСЭН

Улсын хэмжээнд 33.1 мянган га талбайн ургац хураагдаагүй байна

Т.Саран, iKon.mn
2017 оны 10 сарын 9
iKon.MN
Зураг зураг

2017 оны ургацын урьдчилсан балансаар 288 мянган га-гаас 271.8 мянган тонн үр тариа, үүнээс 259.2 мянган тонн буудай, 11.2 мянган га-гаас 102.3 мянган тонн төмс хууран авахаар тогтоогдсон.

Мөн 6.9 мянган га-гаас 75.7 мянган тонн хүнсний ногоо, 46.5 мянган га-гаас 23.6 мянган тонн  тосны ургамал, 43.5 мянган га-гаас 47.3 мянган тонн малын тэжээлийн ургамал тус тус хураан авахаар тооцоо бий. 

Үр тарианы 88.3 хувийг хураан авчээ

 

Наймдугаар сарын 10-наас хойш тариалангийн бүс нутгаар үргэлжилэн орсон их хэмжээний борооны улмаас таримлын болц нялхарч соёолон, хураалтын ажилд хүндрэл учруулж байгаа хэдий боловч цаг агаарын төлөв, ургацын болцтой уялдуулан хураах технологийг уян хатан сонгож ургац хураалтын ажлыг эрчимжүүлж байна.

10 дугаар сарын 08-ны байдлаар 28.8 мянган га-г ангилан хадаж, нийтдээ 241.1 мянган га-гаас 204.4 мянган тонн үр тариа, 10.7 мянган га-гаас 100.0 мянган тонн төмс, 6.6 мянган га-гаас 71.6 мянган тонн хүнсний ногоо, 26.1 мянган га-гаас 31.1 мянган тонн тэжээлийн ургамал, 16.2 мянган га-гаас 8.2 мянган тонн тосны ургамал тус тус хураан авснаар үр тарианы хураалтын явц 88.3 хувь, төмс, хүнсний ногооны хураалт 94.5 хувьтай явагдаж байна. 

Хураасан талбайн хэмжээг хүснэгтээр үзүүлье. 

 

                                 УРГАЦ ХУРААЛТЫН МЭДЭЭ

Д/Д

Таримлын төрөл

Хураах талбай         (га)

Хураасан талбай           (га)

Хувь

 

Нэгжийн ургац        (цн)

Нийт ургац

(тн)

1

Үр тариа

273032

241131

88.3

8.5

204481

2

Төмс

11391

10713

94.1

93.4

100049

3

Хүнсний ногоо

7045

     6665

94.6

107.5

71682

4

Тэжээл

43715

26149

59.0

11.5

31114

5

Тосны ургамал

46505

16920

36.0

4.8

8241

Гэхдээ энэ сарын 07-08-ны өдрүүдэд Дархан-Уул, Төв, Булган, Архангай, Өвөрхангай, Хэнтий аймгийн тариалангийн бүс нутгуудад нойтон цас орсны улмаас 3-10 см-ийн цасан бүрхүүл үүсч хураалтын ажил түр саатаад байна.

Өнөөдрийн байдлаар улсын хэмжээнд үр тарианы 31.9 мянган га, төмс, хүнсний ногооны 1.2  мянган га, нийтдээ 33.1 мянган га талбайн ургац хураагдаагүй байгаа юм. 

 

Үр тарианы таримлын хураалт Сүхбаатар аймагт 49.8 хувь, Дорнод аймагт  74 хувь,  Өвөрхангай аймагт 75.7 хувь, Дархан-Уул аймагт 84 хувь, Хэнтий аймагт 94.5 хувь, Төв аймагт  91.1 хувь,  Булган аймагт 96.2 хувь, Сэлэнгэ аймагт 86.6 хувьтай явагдаж,  бусад аймгуудад хураалтын ажил дууссан дүнтэй байна.

 

Эх сурвалж: ХХААХҮЯ