Гэмт хэргийн гаралт 17.5 хувиар буурчээ
Нийслэлийн Цагдаагийн Газраас 2017 оны эхний хагас жилийн байдлаар нийслэлийн хэмжээнд үйлдэгдсэн онц ноцтой гэмт хэрэг, зөрчлийн талаар болон цаг үеийн асуудлаар өнөөдөр мэдээлэл хийлээ.
Нийслэлийн Цагдаагийн Газрын дарга Ж.Эрдэнэболд "Нийслэлийн хэмжээнд 2017 оны эхний хагас жилд 130,417 гомдол, мэдээлэл шалгасан нь Улсын хэмжээнд бүртгэгдсэн 20,133 гомдол, мэдээллийн 65.2 хувийг эзэлж байна.
Бүртгэгдсэн гомдол, мэдээлэл урд оны мөн үеэс 27.5 хувиар буурсан. Нийслэлийн хэмжээнд хоногт дунджаар 1,500-2,400 гэмт хэрэг, зөрчлийн дуудлага, мэдээллийг хүлээн авч байна.
Энэ оны эхний хагас жилд улсын хэмжээнд 12,969 гэмт хэрэг бүртгэгдсэнээс нийслэлийн хэмжээнд 8,289 бүртгэгдсэн нь өмнөх оны мөн үеэс 17.5 хувиар тус тус буурсан.
Улсын хэмжээнд бүртгэгдсэн нийт гэмт хэргийн 63.9 хувь нь Нийслэлд үйлдэгдсэн.
Нийслэл хотын хэмжээнд:
- Дээрмийн184 гэмт хэрэг,
- Хулгайн 2,624
- Хүчингийн 69 хэрэг,
- Гэр бүлийн хүчирхийллийн 405 хэрэг,
- Хүний амь санаатай бүрэлгэх 61 гэмт хэрэг бүртгэгдсэн байна.
Бүртгэгдэх үедээ сэжигтнээр тооцвол зохих этгээд нь тогтоогдоогүй нийт 5,189 гэмт хэрэг бүртгэгдсэн.
Гэмт хэргийн илрүүлэлт 58.8 хувьтай байгаа нь өмнөх оны мөн үеийнхээс илрүүлэлт 0.2 хувиар өссөн.
Нийслэл хотын аюулгүй байдлыг хангахад шинжлэх ухаан, техник, технологийн дэвшил, шинэ арга ажиллагааг нэвтрүүлэх зорилгоор “Эргүүл”, “Телекамер”, “Гэмт хэргийн хяналтын цогц систем” “Эрүүл цагдаа” зэрэг 4 дэд хөтөлбөрийг хэрэгжүүлэн ажиллаж байна.
Гэмт хэргийн цахим зураглалд шилжсэнээр хэзээ, хаана, ямар гудамж, ямар дүүрэгт ямар гэмт хэрэг гарсан бэ гэдэг нь 24 цагийн дотор бүртгэгддэг болсон.
2017 оны нэгдүгээр сарын 01-нээс нийслэлд үйлдэгдэж байгаа гэмт хэргүүд гэмт хэргийн цахим зураглалд шилжсэн байгаа.
Гэмт хэргийн цахим зураглалд шилжсэнээр хэзээ, хаана, ямар гудамж, ямар дүүрэгт ямар гэмт хэрэг гарсан гэдэг нь 24 цагийн дотор бүртгэгддэг болсон.
Дээрэмдэх гэмт хэрэг 185 бүртгэгдэж, 38-аар буурсан
НЦГ-ын хүнд гэмт хэрэгтэй тэмцэх хэлтсийн дарга Э.Товуудорж "Нийслэлд энэ оны эхний хагас жилийн байдлаар Эрүүгийн хуулийн 17.2-д заасан дээрэмдэх гэмт хэрэг 185 бүртгэгдэж, өмнөх оны мөн үеийнхтэй харьцуулахад 38 -аар буурсан дүн мэдээтэй байна.
Баяр наадмын өдрүүдэд 11 гэмт хэрэг бүртгэгдсэнээс есөн гэмт хэргийн эзэн холбогдогчдыг тогтоон хоёр гэмт хэргийн эзэн холбогдогчдыг тогтоохоор ажиллаж байна" гэв.
