Үндэсний их баяр наадмын хурдан морины уралдаан өнөөдөр хязаалан насаар эхэлсэн билээ. Харин шүдлэн насны уралдаан 14:00 цагаас эхлэх байсан ч хойшлогдсоор 16:00 цагийн үед гарааны зурхай руу хөдөллөө.
Албан ёсны мэдээллээр шүдлэн насанд 251 үрээ бүртгүүлснээс 59 нь гарааны зурхай руу гарч байна. Учир нь бүртгүүлсэн үрээнүүдийн дийлэнх нь шүд, тавиачийн дугаараас болж хасагдсан байна. Нийт 192 үрээ наадмаас хасагдсан ажээ.