Уншиж байна ...
Зураг
Зураг
ХУУЧИРСАН МЭДЭЭ: 2017/05/30-НД НИЙТЛЭГДСЭН

Токио 2020 Олимпийн наадмын бамбарыг нисдэг машинаар асаана

Р.Түвшин, iKon.mn
2017 оны 5 сарын 30
IKON.MN
Зураг зураг

Японы автомашин үйлдвэрлэгчид 2020 онд болох Токиогийн Олимпийн наадамд эрчимтэй бэлдэж эхэлжээ. Тоёота, Ниссан компаниуд тамирчдыг олимпийн хотхон болон тэмцээн болох спорт байгууламжуудын хооронд жолоочгүй машинаар тээвэрлэхээр ажиллаж эхэлсэн байна.

Бас Тоёота 2020 онд Лондоны алдарт такситай ижил ретро хэлбэрийн цахилгаан такси гаргахаар ажиллаж байгаа юм.

Тэгвэл өөр нэг шинэ мэдээ саяхан гарсан нь Токиогийн Олимпийн бамбарыг асаах Skydrive нэртэй нисдэг машиныг бүтээхээр Cartivator нэртэй компани ажиллаад эхэлжээ. Тус компанид Тоёота хөрөнгө оруулж байгаа гэнэ.

Тоёота болон Японы бусад компаниуд энэхүү төсөлд нийтдээ 42 сая иений ($370,000) хөрөнгө оруулаад байна.

 Skydrive машины хүний жолоодлоготой загварыг 2018 оны сүүлээр турших зорилт тавьжээ. Өнөөдрийн удирдлагатай дронуудын нэгэн адил дөрвөн сэнстэй байх ба хөөрөх, газардахдаа эгц босоо чиглэлд нисэх тул ямар нэг зам, зурвас шаардахгүй гэнэ.

Эх сурвалж: Forbes