Монгол Улсын Гадаад харилцааны дэд сайд Б.Батцэцэг БНАСАУ-ын Гадаад хэргийн дэд сайд Ри Гил Сөн-ий урилгаар энэ оны 5 дугаар сарын 16-19-ний өдрүүдэд БНАСАУ-д айлчлав.
Талууд хоёр улсын харилцаа, хамтын ажиллагааны асуудлуудыг хэлэлцэж, бүс нутгийн байдлын талаар санал солилцов.
Яриа хэлэлцээний үеэр дэд сайд Б.Батцэцэг энэ оны 6 дугаар сарын 15-16-нд Улаанбаатар хотноо болох “Зүүн хойд Азийн аюулгүй байдлын асуудлаарх Улаанбаатарын яриа хэлэлцээ” олон улсын IV бага хуралд БНАСАУ-аас албан ёсны төлөөлөгч оролцохыг урив.
Уулзалт, яриа хэлэлцээ найрсаг, ажил хэрэгч уур амьсгалд боллоо.
Эх сурвалж: ГХЯ