ОХУ-д тэмцээнд оролцохоор явсан Монголын хүүхдийн уран гимнастикийн багийнхан уржигдар зам тээврийн осолд өртсөн харамсалтай хэрэг гарчээ. Гадаад хэргийн яамны Консулын газрын мэдээллээр уран гимнастикийн багийнхан тэмцээндээ оролцоод буцаж явсан аж.
Тэдний сууж явсан аяллын автобус Байгаль нуурын бүс Чита мужаас 52 км зайд осолджээ. Автобусанд 18 хүн сууж явснаас 6-10 насны 15 хүүхэд, багш нар нь байжээ. Ослын улмаас хоёр хүүхэд толгойндоо хүнд гэмтэл авч орон нутгийн эмнэлэгт хүргэгдсэн байна.