2016 оны 11 сарын 2
Өвлийн тэргүүн сар айлчилж, хүйтний эрч чангарсан их хотын нэгэн үдэш Улсын Драмын Эрдмийн театрыг зорив. Тун удахгүй үзэгчдийн хүртээл болох их зохиолч Д.Нацагдоржийн амьдралаас сэдэвлэн бүтээж буй “Жаргаагүй нар” жүжигт бидний сэтгэл зүрхэнд “Ирж яваа цаг”, “Говийн зэрэглээ” зэрэг кинонд бүтээсэн дүрээрээ мөнхөрсөн жүжигчин Цэвээнравдангийн хүү тоглож байгаа гэх мэдээлэл сонирхолыг минь татаж театрыг зорьсон учир энэ. Сэтгэлд мөнхөрсөн “Ангийн байцаагч”-ийн хүү Төгсбилэгттэй уулзаж, түүний амьдрал, уран бүтээлийн талаар цөөн хором ярилцлаа.